चार ओळी तुझ्यासाठी : भावना

चार ओळी तुझ्यासाठी : भावना 

*

कधीकधी शब्द अपुरे पडतात ,

भावना व्यक्त करताना,

आज भावनाच अपूऱ्या पडल्या 

तुला शुभेच्छा देताना !

*

तुला समोर पाहताच 

मनाची अनेक छकले होतात 

निम्मी माझ्या अन निम्मी तुझ्या बाजूने 

फक्त भांडत सुटतात !

*

तु दिसताच प्रसंगांनी मनात गलका केला 

माझ्यासाठी हा क्षण पुरेसा बोलका होता 

आठवणी आठवणीने विसरताना मात्र 

माझ्या आठवणींना शहारा आला होता !

*

भावनांच्या उद्रेकाने कधीतरी

कवितेचा आधार घ्यावा. 

दाटलेल्या आसवांना रडण्यासाठी ,

थोडा तरी वाव द्यावा !

By Paresh Kale

Read my more poems here.

Image Source: http://usaginoyume.deviantart.com/art/You-and-beautiful-world-163019240