दिवस सरला झाली रात्र
अनंत फिरते हे कालचक्र
अंधाराच्या कुशीत उगवे
हळूच प्रणय राज sudhakar
वसंत जाऊनी ग्रीष्म आला
सोनफुलांनी बहावा सजला
हरेक झुबका उधळे रंग पिवळा
पर्णहीन वृक्षाने हरवला हिरवा
भेट प्रिये त्या झाडाखाली
पुष्पवर्षाव वाट पाहे तुझी
बैस शेजारी कुसुम शय्येवरी
दोघ करू गुजगोष्टी रात्र सारी
मंद हवा स्पर्शानी भारावली
जादू तुझी की या चांदण्याची
वाटे संपूच नये हा बहर कधी
थांबेल का ही वेळ थोडीतरी
तू जाशील निघुन भल्यापहाटे
भेट आजची, झाले स्वप्न खरे
ऋतू मिलनाचा समीप आहे
अशी चोरून भेट शेवटची बरे !
No comments:
Post a Comment
Thank you for visiting !