Showing posts with label सखी. Show all posts
Showing posts with label सखी. Show all posts

दुरावा



दुरावा 


या तरुतळी
एकलीच मी
हात दे सख्या रे
घायाळ मी हरिणी

पाहते वाट तुझी
आज तरी येशील तू
अवस्था गूढ माझी
कान शीळ देशील तु

विरले आभाळ सारे
भिजवुनी सरला दिवस
पाय घरला परतले
रात्र पुन्हा एक अमावास

मोजीत तारे
रात्र चालली
चंद्राच्या प्रकाशात
रातराणी फुलली
नाही मला काय त्याचे
डोळ्यांनी रात जागली

आयुष्य असे क्षणभंगुर
लावु दे भैरवीचा सुर
मिटवून टाक अंतरे
आज तरी ये बरे!

येशील स्वप्नात तू
इतुके मज ठाव आहे.
अभागी नशीब आहे
डोळ्यात मात्र जाग आहे.






दुरावा



दुरावा


त्या रात्री जी हरवलीस तू ,
तिलाच शोधतो आहे.
मिठीत विसावली होतीस तू,
ती मिठी भोगतो आहे !


मंद धुंद क्षण, जे दुरावले,
पुन्हा ते शोधतो आहे.
विश्वास पूर्ण आहे तुजवरी,
परीस्थिती भोगतो आहे !


आहे नक्की, परतशील तू ,
तो क्षण मी शोधतो आहे.
असेल वाईट तरीही, उद्यासाठी
हा विरह भोगतो आहे !


देईल आधार जिवनाला,
ती सखी शोधतो आहे.
जगात आहे कुणीतरी माझे,
हा आनंद भोगतो आहे !


सवय


सवय

तुला ही सवय कधीपासून लागली,
नदीतल्या संथ पाण्यात पाय बुडवुन बसण्याची?

तू पाय बुडवल्यावर,
पाण्यावर जे तरंग उमटतात ना
ते तरंग नाहीतच मुळी !
संथ पाण्यावर
ते उठलेले रोमांच आहेत
तुझ्या नाजूक स्पर्शाने
पाण्यालाही झालेली
तारुण्याची जाण आहे !

तुझ्या पायांची हालचाल पाहून,
मासेही कसे स्तब्ध झालेत.
जणू आपलं पोहोणच विसरलेत !
आश्चर्य वाटतंय त्यांना,
अशी डौलदार हालचाल
आपणही नाही करु शकत !

नदीकाठची फुलं आपलं अस्तित्वच विसरलीयत,
कारण तू तिथं बसलीयस
कोवळ्या उन्हात भिजणाऱ्या तुला बघून
त्यांचीही शुध्द हरपलीय

बेभान मी ही  झालोय,
म्हणून तर आज पुन्हा आलोय !
तुझी वाट बघतोय
थोडीशी स्वप्न रंगवतोय.

पण आधी मला एक सांग,
तुला ही  सवय लागली कधीपासून ?




पैंजण


पैंजण


पैंजण घालत नको जाऊ !
मला त्रास होतो. 
जरा काही किणकिणलं की 
मग भास होतो. 

कधीकधी हवेसे वाटतात, 
कारण तू येणार आहेस,
Image Source: Flicker
मला हळूच गाठायचाय,
तू जेव्हा त्यांना बजावतेस !

अधेमधेच वाजतात, 
नको त्या वेळी गडबड करतात,
दोन क्षण कुठे शांततेत जातात, 
तर हे दोघं कुजबुजतात ! 

तरीपण तू पैंजण घालणार, 
माझा जीव कासावीस करणार, 
एखादा नवीन जोड मागणार, 
मला बघून गोड हसणार ! 

म्हणून म्हणतो.....
पैंजण घालताच नको जाऊ !!!



 

सरीत भिजलीस


सरीत भिजलीस


ओल्या हातांना मेंदीचा सुवास,
ओल्या ओठांचा ओला स्पर्श,
पाणीदार डोळ्यांमधले अर्थ,
सुखावलो सखे, हा सहवास !



घट्ट झाली मिठी तुझी,
हात काही मागतात,
खाली ती दडली नाही,
गाल का लाजतात?



सखी

सखी


खूप काही दिलस,
एक मैत्रीण, एक सखी,
एक सुंदर सोबतीण म्हणून !

म्हणूनच,
आज शेवटचं मागायला आलोय.
पण फक्त आपल्या मैत्रीखातर
कधीही तोडू नको हे नातं
असेल पडलो कमी मी कुठेतरी
पण केलीय तेवढीच प्रिती तुझ्यावरती

तुझ्यारुपी एक गोंडस फुल
उराशी बाळगलं
आयुष्याच्या अवघड वाटेवर
तुला सांभाळल

पण हा भार नव्हे
या पाठी समर्पण आहे
म्हणूनच जिवनभर
हेच करण्याची इच्छा आहे.

तू मला नेहमीच हवीयस
हृदयाच्या सर्वात जवळ
एक सखी एक मैत्रीण
एक सुंदर सोबतीण म्हणुन.


हार-जीत

हार-जीत

ही माझी जीत नव्हती,
ही एक हार होती .
आता ही सवय मोडायची होती ,
कारण ही लढाई शेवटची होती !


शक्य असेल तर ....


शक्य असेल तर .....

जमलं तर एवढं करत जा,
अधुन मधुन हसत जा,
बाकी कुणाकडे नाही पण,
निदान माझ्याकडे बघत जा !


सखी


Source: http://tinyurl.com/l8e8mnc


सखी 


खूप काही दिलंस
एक सखी, एक मैत्रीण,
एक सुंदर सोबतीण म्हणुन !




म्हणूनच …।
आज शेवटचं मागायला आलोय.
पण फक्त आपल्या मैत्रीखातर,
कधीही तोडु नको हे नातं.
असेल पडलो कमी मी कुठेतरी,
पण केलींय तेवढीच प्रिती तुझ्यावरी. 



तुझ्यारुपी एक गोंडस फुल उराशी बाळगलं
आयुष्याच्या अवघड वाटेवर तुला सांभाळलं .




पण हा भार नव्हे !
या पाठी समर्पण आहे,
म्हणुनच जिवनभर,
हेच करण्याची इच्छा आहे !
तू मला नेहमी हवीयस,
हृदयाच्या सर्वात जवळ,


एक सखी एक मैत्रीण,
एक सुंदर सोबतीण म्हणुन !