भेटावयास येता संध्या समयी
कनक चम्पेची माळ गुंफिशी
सुवास घेता तुझ्या केश संभारी
लटीक नजर तुझी चोरशी
सखी तु अशी कशी ?
माझा वेडेपणा अज्ञात मजला
करता बावचळलीस का जराशी
गालावरली लाली कशी फुलली
फक्त दोघ संध्यापाखर आकाशी
सखी तु अशी कशी ?
उलटून सांज गेली घरावरी
इतक्यात का माघारी जाशी
नुकतेच चांदणे हे उमललेले
मिलनाची धुंद रात्र बाकी
सखी तु अशी कशी ?
उद्या पुन्हा भेटशील का वाटेवर
येताना निघ लवकर जराशी
काढू नको रात्र तळमळत ही
स्वप्नातून असेन मी तुझपाशी
No comments:
Post a Comment
Thank you for visiting !